Read our posts

Bookbed Blog

Bookbed reviews: ‘Hukbong Sandatahan ng Kahaggardan’ ni Manix Abrera

NI KB MENIADO

Hindi ako ang number one super hardcore fan ni Manix Abrera. Paminsan-minsan ko lang nasusubaybayan ang Kikomachine Komix! niya sa Inquirer, pati na rin ang News Hardcore niya sa GMA News Online.

Sa katunayan, noong 2014 ko lang siya simulang sundan matapos kong mabasa yung Travel Hardcore sa Smile Magazine habang papunta kami ng Tokyo. At noong 2015 ko lang simulang basahin ang kanyang mga libro. (Salamat, Bea!)

bookbed manix abrera travel hardcore

Smile Magazine, Abril 2014

Kaya noong may pagkakataong mabasa ang kanyang pinakabagong koleksyon ng komiks, HWOOOH! Siyempre, hindi na ako nagpatumpik-tumpik.

bookbed manix abrera hukbong sandatahan ng kahaggardan

ANG KWENTO

Gaya ng nasa paunang salita ni Howie Severino, “ipinapakita ng News Hardcore ang ‘behind-the-scenes‘ na mundo ng media—may naghahari, may inaapi, may peke at may marangal, may malungkot, at higit sa lahat, may nakakatawa.”

bookbed manix abrera hukbong sandatahan ng kahaggardan 1

MGA NAGUSTUHAN KO

Journalism ang kinuha kung kurso noong kolehiyo, at naka-tatlong taon din ako sa media, kaya’t halos abot himpapawid ang tawa ko sa mga hirit sa 226 komiks na nakapaloob sa koleksyong ito. Ka-haggardan? MISMO! Pero hardcore din na katatawanan!

Mula sa pagkalap at pag-ulat ng balita, pakikisama sa mga kapwa miyembro ng media at iba pang mga bagay na kasama sa industriyang ng aksyon, drama at kwela, lahat na yata’y natumbok ni Manix. (Siyempre, malaking tulong din na tatay niya si Jess Abrera!) Hindi ‘exaggerated‘ ang mga karanasang inilalarawan at saktong-sakto sa ‘humor‘ ng Pinoy.

bookbed manix abrera hukbong sandatahan ng kahaggardan 7

Nasa bandang The Introducer at Deadline Philosopher yata ako noon

bookbed manix abrera hukbong sandatahan ng kahaggardan 6

“OMG, ang saya-saya, everything is perfect! Sige, push mo lang.”

KASO…

Dalawang bagay lang:

  • Format ng libro (may kabigatan, halos tatlong dangkal ang lapad kapag nakabukas na maaaring magdulot ng kahaggardan sa kamay ng mambabasa)
  • Maling baybay ng mga salita
bookbed manix abrera hukbong sandatahan ng kahaggardan 8

Pwede ring death stare mula sa editor 😉

SA MADALING SALITA

Lalayo pa ba ako sa sinabi ni Ginoong Severino?

bookbed manix abrera hukbong sandatahan ng kahaggardan 9

Asteeg!!

Huwag mag-alala – journalist ka man o hindi, tiyak na mapapatawa ka nito. As in. ☁

Mula sa manunulat: Nakilala ko si Manix Abrera sa Philippine Literary Festival noong August 2015. Mabait at mapagkumbaba, kahit tinagurian siyang ‘rock star of the Philippine comics world‘… Uy, siyanga pala, hindi po ito sponsored post.
Bisitahin ang pahinang ito para sa mga libro ni Manix Abrera.
No Comments

Post A Comment